(Source: Albert Renthlei Via Lunglei Chanchinthar)
Nimin (Aug 20) khan tunhnaia Phunchawng-a CYMA hmalakna chungchang
sawihovin CYMA leh MJA an inkawm a. CYMA hmalakna sawiin an president T
Sangkunga chuan, "Rangvamual-ah chuan 90% hlawhtling tawhah kan inngai
a, Phunchawngah erawh hma sawn viau mah ila peih rei a ngai dawn," a ni
ti a. Ruihhlo do leh ramdang mi te umchhuah kawngah CYMA chuan cheng
khat pawh hlawh lovin hma a la a, hetih kara mi rel hlawh reng chu
hrehawm an ti ve hle tih a sawi bawk.
CYMA chuan Tuirial airfield leh Tuikhurhlu lamah beihpui thlak leh an
tum tih an sawi a, "CYMA chu ruihhlo do kawngah leh foreigner
chungchangah a dinna ngaiah a la ding reng," an ti.
Foreigner
chungchangah CYMA president chuan, "Foreigner is a foreigner ti mahila
khua/vengin an pawm tawh chu kan pawm thlap a, VC-ah hial te pawh
thlantlin kan nei, a ti a. Hnawhchhuah chungchangah pawh Aizawl-ah hian
awm darhsarh sela pawi kan ti lo, an awmkhawm hian a buaithlak thin a
ni," a ti.
Phunchawnga kohhran upa F. Vanlalremruata
Tonsonlenga chunga thil thleng chungchangah Central YMA chuan Vanlalenga
chu upa a nih leh a inkhawm tih an hriat loh avangin, "Kan tihsual
palhah ngaihdam kan dil a ni," an ti.
MJA lamin, "Voice of the
voiceless kan nih angin Central YMA hmalakna firfiak chinah chuan kan
inlungrual thei lovang," an tih pawh Central YMA hotute chuan pawmin
thurawn tha an mamawh zia leh mipui atanga moral support an mamawhzia te
an bawk.
Phunchawng khawtlang dinhmun
Chhungkaw awm zat - 424
Mihring awm zat - 1831
Local Council member - 5
Mahni ina cheng - 107
Mi in luah - 317
Kohhran awm zat - 10
Sorkar hnathawk zat - 13
Dawrkai zat - 42
Eizawnna bulpui - Zu factory siam
Hnawhchhuah zat - Chhungkaw 110