Duhlian tawng hmang chauh Mizo an ni lo, ti

Azl; 1 Dec: Home Minister Pu R Lalzirliana’n Mizorama cheng Zohnahthlak zawng zawngte inpumkhata awm chu thil pawimawh ber a ni a ti.  Nizana Aizawl Thakthing Veng Branch YMA Platinum Jubilee lawmna a hmanpuinaah he thu hi sawiin, Mizoramah Duhlian tawng hmang chauh Mizo an ni lova, Duhlian tawng hmang ve lo- Lakher, Pawi, Hmar leh midangte chu Mizo hnam an ni tih hriata inpumkhat a pawimawh tih sawiin, ‘enga’ tih pui theihte chauh inpumkhat pui an nih chuan Mizoram chu tah leh hathialna ramah siam a ni mai ang a ti a ni.
    HM chuan mipui ten Krismas leh Kumthar hlim taka an hman theih nan halpuah leh halmawi lam chi sorkarin a khap chu kumdang ang bawka tha taka zawm a nih leh a beisei tih a sawi a, mipui ten sorkar thupek an zawm thin chu lawmawm a tih thu sawiin, Hindu te eng kut Diwali-ah pawh thawm liantham hriat a ni lo chu thil chhinchhiah thlak a ni a ti.